老板跟本唔識沖咖啡,員工仲做得好過佢
小弟住柴灣,成日都希望係呢頭可以搵到d好飲既咖啡店。星星呀太平洋呀嗰d連鎖式已經好耐無再幫襯。打算發掘下d 小舖 支持下本地企業。撞下撞下俾我撞到呢間豆咖漿啡。 幫襯左一段時間,發覺佢時好時差,以前有一兩個後生仔沖得唔錯有驚喜,而家識沖既都唔見有做,搞到多數失望而回。開頭都俾機會佢地,因為講真係香港地開舖唔易,請一個有實力既咖啡師仲難,自己咁啱買正一杯半杯難飲咖啡當自己時運低或者用另一角度諗當捐左錢助贊人地,希望佢地得到支持會再進步。
但幫襯左一輪,有退無進,瀨左好多次野之後,迫住要放棄支持,因為有幾次經驗真係好唔對路。 呢間嘢老板跟本唔識沖咖啡,講真員工仲做得好過佢,但唔知點解佢又爭住沖咖啡,提提大家老闆係度嗰陣盡量避得過就避。
ESPRESSO SINGLE SHOT 都可以沖到水汪汪成杯LONG BLACK 咁。好喇唔飲ESPRESSO咁高要求,飲有奶既,打奶過熱飲唔落,D 奶俾佢打到過熱臭哂。已多次叫佢唔好OVERHEAT,但佢係都唔聽,試過見佢成杯咖啡放入steam wand 打熱咁過份都做得出,好唔好飲已唔評論喇,放奶以外既飲品入steam wand 打,其實會整塞支wand,入面塞左就會藏菌,長遠黎講做嗰個同飲嗰個都即係搵命搏。
咁仲不特止,仲要乜咖啡都落奶精,自己做過飲食知咩事。係~ 加左奶精會香滑左,但奶精唔係奶,係內含不健康物質液體,好多國家都唔認可奶精為食物。已睇住佢落過好多次,但佢都唔認自己用奶精。大家即使幫襯都記住要開口叫佢走啡奶,如果唔係飲埋飲埋好多垃圾係身體,影響健康。
最慘係好多人飲豆漿咖啡就因為唔想飲到乳糖,因為會敏感引致肚痛,但佢偏偏又加返奶精真係吹漲。 以上轉截至: http://www.uwants.com/viewthread.php?tid=17409748
大眾認同: 1 人 回應: 0 篇 觀看: 4593 次 |
|
|
誠信/專業性/廉潔 : | 5 |
服務態度/質量 : | 沒意見 |
環境衛生 : | 沒意見 |
快捷速度 : | 沒意見 |
企業社會責任/良心 : | 沒意見 |
價錢 : | 沒意見 |
整體 5 分 |
|