|
襯前後2個人 態度十分惡臭
初頭想我幫襯就話想點做都得
好喇...到第2日上黎度尺, 比左D相叫佢跟住黎做同收訂金... 佢話3日內會有圖出比我睇... 佢果時報價比我係6000左右..
過左3日.. 打比佢唔通
第4日冇人聽... 結果成個星期先搵到佢...
咁我好聲好氣問佢做咩幾日搵佢唔到有圖比我睇未, 點知佢大聲夾惡話我好忙架, 唔係得你一個客... 張圖要過多幾日先有喎... 真係幫襯前後2個人黎...
好喇... 到左睇圖果日.. 同我比相佢完全係2回事... 咁叫佢改啦.. 佢D態度真係可以用十分惡臭來形容.. 話如果要跟我個圖就要+多2000左右, 阿嬸呀, 果時你又唔報呢個價, 好喇 搞左又差唔多個幾星期, +左1500蚊出多次圖比我都未符合我心水.. .都算啦 我心諗再改落去都係咁上下... 同埋我都幾急要張床, 唔想再拖...就叫佢盡快做貨話我急要... 佢話2-3星期就OK..
.過左3星期 一個電話都收唔到... 打去諗住問下貨期, 佢個電話永遠要預幾日前打先得... 打幾日又冇人聽... 最後搵到佢 佢又話大6果邊未送黎唔關佢事... 3星期都送唔到就一早講啦... 送唔到都唔使擺一副事不關己既態度啦.. 我係搵你買床架...
過一星期打黎話聽日送貨有冇問題,我話OK啦.. 好喇.. 張床送到黎喇 裝果個人兄話書檯唔岩位... 阿CINDY你唔係專業室內設計架咩 , 點解可以尺都度錯, 真係比個GD你... 跟住愈黎愈多問題發覺, 衣櫃竟然冇預層板同衣通比我, 買張床唔通叫我自己鑽板咩.. 玻璃櫃可以冇拎玻璃黎.... 我初頭真係太高估左佢既學歷喇.... 整完曬D野話3日後整埋未整果D....
D尾數我話你整埋先一次過比你, 佢話唔得 一定要收曬 咁大張床比左你唔驚你唔要其他野咩, 我話你快D搞好快D收埋尾數就大家好做啦.. 比剩700下次收埋,
如是者又過左7日... 呢間黑店永遠都唔識自動自覺, 又打去問幾時上黎, 態度依舊, 真係有諗過佢更年期緊...
呢次上黎切左檯腳岩位... 完全遺忘左玻璃同衣通層板.... 我又打去個老女人度.. 話衣通層板做好唔記得拎, 塊玻璃係大6做要10幾日先OK.... 下次一次過做好一齊再裝.. OK又等埋你呢次比, 師傅又追尾數. .跟住比左400 尾數300...
又10幾日 今次主動打黎送貨喇... 裝左層板衣通... 塊玻璃又唔岩位... 真係好懷疑佢把尺係咪物似主人形..... 呢次我真係忍唔住.... 鬧左佢幾下... 前前後後2個幾月都黎 都未幫我搞店.... 佢又係果句... 我好忙唔係只係招呼你1個客... X生.. .如果你再係咁既態度我就唔會再幫你跟... 粗口都出埋... 我真係XYZ... 叫佢唔使跟就CUT佢線.... 唔怪得之每次都想收齊尾數... 收齊左一句話唔跟就唔跟... .之前幫襯過其他都唔會咁既態度.. 後尾我上網搵呢間黑店資料
呢間真係正宗黑店黎 希望多D人睇到 幫手轉去其他論壇OR FB ~以上轉截至: http://catcatbox.com/forum.php?mod=viewthread&tid=4140046
| 大眾認同: 2 人 回應: 0 篇 觀看: 4997 次 |
|
|
| 誠信/專業性/廉潔 : | 2 |
| 服務態度/質量 : | 2 |
| 環境衛生 : | 沒意見 |
| 快捷速度 : | 2 |
| 企業社會責任/良心 : | 沒意見 |
| 價錢 : | 沒意見 |
整體 2 分 |
|
