黑店
以下轉截至: http://wedding.darizi.com/hk/bbs/viewthread.php?tid=4794
在灣仔wedding expo落訂了婚姻物語(Wedding Whisper)一條龍服務,包括租衫(婚紗&男禮)、化妝(早晚妝)、花球、攝影(1V1P)、租車(一架主車、一架七人車)。
由於並沒有擺酒,因此只租了一件婚紗作註冊行禮時用,至於化妝,因為出門時準備著裙褂,我自己有裙褂,所以都需要早晚兩個妝。 早前,在報章上看見有關呢間「黑店」的報導,為免各位姊妹受騙,決定一定要公佈該店七宗罪:
1. 除左叫你去俾尾數果日之外,佢地可以完全無人跟進你既服務。如果唔係我自己主動打去預約,都無人跟進我地幾時fitting、last fitting 等…
2. 租衫時話包頭飾和首飾,但等到last fitting 時才可選,仲話無咩選擇,佢話fix左,然後當你選時,全部舊到、殘到你唔想要…
3. 原本我準備自己製作「成長片段」DVD,但張單送「成長片段」DVD,所以都依時係大日子前兩個月,我已email 了相片同背境音樂俾佢地,點知佢話一個片段只可以有30張相,當中要包括女方成長、男方成長、拍拖相同埋結婚相… 嘩﹗真係玩嘢﹗幾經辛苦先至選出30張相。我仲打電話同佢confirm 已收到我個email同相,佢地回覆無問題,話大日子前兩星期可取DVD。點知,大日子前兩個星期,我地話要拎DVD,佢地話要下一個星期二先有,然後,係星期一晚午夜十一點nearly十二點打黎話收唔倒我地D 相,真玩嘢﹗咁即係未整喇﹗仲有,我check 過我自己個email 既send folder,確定係全部send 出,之後,佢又打黎話搵倒我地d 相… 救命﹗
4. 大日子前4天,老闆娘來電說租車要加錢,問佢點解,佢話因為我們在元朗,屬偏遠地區,要加$800。但根據我們對「偏遠地區」的理解,離島、東涌、愉景灣是也。另外,我地係book左3個鐘既車,實際我地只係用佢兩個鐘,如果佢要計埋佢由市區開車入元朗既車程,俾盡佢一個鐘,都within我地已付既車租,都唔明點解仲要加錢。Last fitting 果日去到鋪頭同佢傾,個老闆娘爆晒粗咁話我老公,仲話我地無錢唔好學人結婚,真係好過份﹗(不過,我都係事後先知佢鬧我老公呢件事,因為當時我試緊衫,係我老公同佢交涉)最後,我地都俾左$400 佢,費事佢煩﹗
5. 租車果度,我地租左一架Benz做主花車,另一架七人車,落order 時明明話可以隨時改24座,點知我地再問佢時,佢話要加錢,我唔明點解24座仲貴過七人車,明明租車張紙都唔係咁既價錢,好彩最後我搵左我契哥幫手,借車仲做埋我既柴可夫司機。
6. 最討厭係個花球,我明明係大日子兩個月前已經send 左一張花球相俾佢地,每次去fitting 我都會問佢地,佢地話收到,無問題,知道我想要咩花。點知,佢竟然係大日子前一晚我地拎花球時俾左一個完全唔係我要既花球我﹗我要求的是白色牡丹,配綠色襯花,因為想有一束感覺好清既花球。點知…… 激死我﹗佢竟然未得我同意將主花變左做粉紅色… 係我最憎既粉紅色﹗真係好討厭呀﹗仲有呀﹗新郎個襟花仲要好殘… 老公都唔鍾意呀﹗
7. 等左兩個月,收到婚姻物語來電說有DVD同相,兩個星期之後,我同朋友前去攞相同DVD。佢地D服務真係令人好反感,雖然我知道佢地有客人試緊衫,但佢無可能處理緊我既單卻走去聽電話仲要傾左好耐,之後又跟進下個客試衫,然後找來找去都搵唔倒我隻DVD,仲問我係咪已經收到了電話,我開始唔耐煩,因為我同朋友約左人食飯,以為拎隻碟好快,點知擾攘左成45分鐘,朋友都忍不住開聲話佢地既服務態度唔得﹗ 各位準備結婚既姊妹,千祈唔好以為一條龍服務好方便,都要check 清楚間公司既服務同口啤﹗
大眾認同: 0 人 回應: 0 篇 觀看: 5863 次 |
|
|
誠信/專業性/廉潔 : | 4 |
服務態度/質量 : | 4 |
環境衛生 : | 沒意見 |
快捷速度 : | 4 |
企業社會責任/良心 : | 4 |
價錢 : | 沒意見 |
整體 4 分 |
|